XV. PRAYERS IN LATIN

Signum CrucIs (The Sign of the Cross)

In nómine Patris,et Fílii,et Spíritus Sancti. Amen.

GlórIa Patri (Glory Be)

Glória Patri,et Fílio,et Spirítui Sancto. Sicut erat in princípio,et nunc et semperet in sǽcula sæculórum. Amen.

Pater Noster (Our Father)

Pater noster qui es in caelis:sanctificétur nomen tuum;advéniat Regnum tuum;fiat volúntas tua,sicut in caelo, et in terra.Panem nostrum cotidiánum da nobis hódie;et dimitte nobis debíta nostra,sicut et nos dimittimus debitóribus nostris;

et ne nos indúcas in tentatiónem;sed libera nos a malo. Amen.

Ave María (Hail Mary)

Ave, María, grátia plena,Dóminus tecum.Benedícta tu in muliéribus,et benedíctus fructus ventris tui, Iesus.Sancta María, Mater Dei,ora pro nobis peccatóribus, nunc et in hora mortis nostræ. Amen.

Ángele Dei (Angel of God)

Ángele Dei,qui custos es mei,me, tibi commíssum pietáte supérna, hodie illúmina, custódi, rege et gubérna. Amen.

Réquiem æternam (Eternal Rest)

Réquiem ætérnam dona eis, Dómine, et lux perpétua lúceat eis. Requiéscant in pace. Amen.

Ángelus Dómini (Angelus)

V/ Ángelus Dómini nuntiávit Maríae.

R/  Et concépit de Spíritu Sancto.

     Ave, María …

V/ Ecce ancílla Dómini.

R/ Fiat mihi secúndum verbum tuum.

     Ave, María …

V/ Et Verbum caro factum est.

R/ Et habitávit in nobis.

     Ave, María …

V/ Ora pro nobis, sancta Dei génetrix.

R/ Ut digni efficiámur promissiónibus Christi.

V/ Orémus: Grá tiam tuam, quæsumus,  Dómine, méntibus nostris infúnde;   ut qui, Ángelo nuntiánte, Christi Fílii tui incarnatiónem cognóvimus, per passiónem eius et crucem, ad resurrectiónis glóriam perducámur. Per eúndem Christum Dóminum nostrum.

Amen.

Regína CælI

V/ Regína cæli lætáre, allelúia.

R/ Quia quem meruísti portáre, allelúia.

V/ Resurréxit, sicut dixit, allelúia.

R/ Ora pro nobis Deum, allelúia.

V/ Gaude et lætáre, Virgo María, allelúia.

R/ Quia surréxit Dóminus vere, allelúia.

V/  Orémus: Deus, qui per resurrectiónem Fílii tui, Dómini nostri Iesu Christi mundum laetificáre dignátus es, præsta, quǽsumus, ut per eius Genetrícem Vírgínem Maríam perpétuæ capiámus gáudia vitæ. Per eúndem Christum Dóminum nostrum. Amen.

Salve Regína

Salve, Regína, Mater misericórdiæ, vita, dulcédo et spes nostra, salve. Ad te clamámus, éxsules fílii Evæ. Ad te suspirámus, geméntes et flentes in hac lacrimárum valle. Eia ergo, advocáta nostra, illos tuos misericórdes óculos ad nos convérte. Et Iesum, benedíctum fructum ventris tui, nobis, post hoc exsílium, osténde. O clemens, o pia, o dulcis Virgo María!

Sub Tuum Præsidium (Under your ProtectIon)

Sub tuum præsídium confúgimus, sancta Dei Génetrix;nostras deprecatiónesne despíciasin necessitátibus nostris;sed a perículis cunctislibera nos semper,Virgo gloriósa et benedícta.

Veni Creátor Spiritus (Come, Holy Spirit)

Veni, Creátor Spíritus,

mentes tuórum vísita,

imple supérna grátia,

quæ tu creásti péctora.

Qui díceris Paráclitus,

altíssimi donum Dei,

fons vivus, ignis, cáritas,

et spiritális únctio. 

Tu septifórmis múnere,

dígitus patérnae déxteræ,

tu rite promíssum Patris,

sermóne ditans gúttura.

Accénde lumen sénsibus,

infúnde amórem córdibus,

infírma nostri córporis

virtúte firmans pérpeti.

Hostem repéllas lóngius

pacémque dones prótinus;

ductóre sic te praévio

vitémus omne nóxium.

Per Te sciámus da Patrem

noscámus atque Fílium,

teque utriúsque Spíritum

credámus omni témpore.

Deo Patri sit glória,

et Fílio, qui a mórtuis

surréxit, ac Paráclito,

in sæculórum sǽcula. Amen.

Veni Sancte Spiritus (Sequence of Pentecost)

Veni, Sancte Spíritus,

et emítte cælitus

lucis tuæ rádium.

Veni, pater páuperum,

veni, dator múnerum,

veni, lumen córdium.

Consolátor óptime,

dulcis hospes ánimæ,

dulce refrigérium.

In labóre réquies,

in æstu tempéries,

in fletu solácium.

O lux beatíssima,

reple cordis íntima

tuórum fidélium.

Sine tuo númine,

nihil est in hómine

nihil est innóxium.

Lava quod est sórdidum,

riga quod est áridum,

sana quod est sáucium.

Flecte quod est rígidum,

fove quod est frígidum,

rege quod est dévium.

Da tuis fidélibus,

in te confidéntibus,

sacrum septenárium.

Da virtútis méritum,

da salútis éxitum,

da perénne gáudium.

Amen.

Ánima Christi (Soul of Christ)

Ánima Christi, sanctífica me.

Corpus Christi, salva me.

Sanguis Christi, inébria me.

Aqua láteris Christi, lava me.

Pássio Christi, confórta me.

O bone Iesu, exáudi me.

Intra tua vúlnera abscónde me.

Ne permíttas me separári a te.

Ab hoste maligno defénde me.

In hora mortis meæ voca me.

Et iube me veníre ad te,ut cum

Sanctis tuis laudem te in sǽcula sæculórum. Amen.

Rosarium (Rosary)

Mystéria Gaudiósa (in feria secunda et sabbato)

1. Annuntiátio
2. Visitátio
3. Natívitas
4. Præsentátio
5. Invéntio in Templo

Mystéria Dolorósa (in feria tertia et feria sexta)

1. Agonía in Hortu
2. Flagellátio
3. Coronátio Spinis
4. Baiulátio Crucis
5. Crucifixio et Mors

Mystéria Gloriósa (feria quarta et dominica)

1. Resurréctio
2. Ascénsio
3. Descénsus Spíritus Sancti
4. Assúmptio
5. Coronátio in Cælo

Mystéria Luminósa (in feria quinta)

1. Baptísma apud Iordánem
2. Autorevelátio apud Cananénse matrimónium
3. Regni Dei proclamátio coniúncta cum invitaménto ad conversiónem
4. Transfigurátio
5. Eucharístiæ Institútio

Oratio ad finem Rosarii dicenda

V/    Ora pro nobis, sancta Dei génetrix.

R/ Ut digni efficiámur promissiónibus Christi.

V/    Orémus: Deus, cuius Unigénitus per vitam, mortem et resurrectiónem suam nobis salútis ætérnæ prǽmia comparávit, concéde, quǽsumus: ut hæc mystéria sacratíssimo beátæ Maríæ Vírginis Rosário recoléntes, et imitémur quod cóntinent, et quod promíttunt assequámur. Per Christum Dóminum nostrum. Amen.

Continue in the Prayer Book to XVI. INDULGENCES

Or back to the TABLE OF CONTENTS